Индияда дагы бир коркунучтуу илдет катталууда
Индияда коронавирус менен ооруп айыккандардан “кара көк” (мукоромикоз) илдети катталды. Бул тууралуу Tengrinews.kz. сайтына шилтеме кылып “Барометр” маалымдады.
Гуджарат штатында дарыгерлер мукоромикоз чыккандыгын катташты. Бул сейрек кездешүүчү оору. Индияда буга чейин 100дөн ашуун адам аталган ооруну жуктуруп алышкан. “Кара көктүн” айынан сегиз бейтаптын көзү көрбөй калган.
“Дарыгерлер бул илдет башкаларга караганда коронавирус менен ооруп жаткандарга же коронавирус менен ооруп бүткөндөргө көбүрөөк коркунуч туудурарын айтышты. Индия бийлиги эпидемияга каршы күрөшүү боюнча чараларды көрө баштады. Өкмөт штаттагы айрым ооруканаларда мукоромикоз менен ооругандар үчүн атайын бөлүмдөрдү түздү.
“Мукоромикоз терини жана ички органдары жабыркатат. Өлүмгө да алып келиши мүмкүн” деп айтылайт маалыматта.
