Акыркы кабарлар
» Коом » Алты бейтап каза болду, вирус 305 кишиден аныкталды
Алты бейтап каза болду, вирус 305 кишиден аныкталды
15-апрель, 18:20
692 ᠌ ᠌ ᠌ ᠌᠌ ᠌ ᠌᠌Акыркы бир сутка ичинде Кыргызстанда COVID-19 илдетинен дагы алты киши каза болду.
Коронавируска каршы күрөш боюнча республикалык штаб билдиргендей, алардын төртөө Бишкекте, экөө Чүйдө ооруканада жаткан.
Ушуну менен өлкөдө коронавирус пандемиясы башталган 2020-жылдын март айынан бери андан каза болгондор 1540ка жетти.
15-апрелге карата республика боюнча вирус дагы 305 кишиден табылып, сентябрдан берки эң көп көрсөткүч болду.
Алардын эң көбү Бишкек шаарында (186), андан кийин Чүй облусунда (89), Ысык-Көл облусунда (12), Ош шаарында (7), Талас облусунда (4), Жалал-Абад облусунда (4), Баткенде (2), Нарында бир учур аныкталды.
Акыркы күндөрдө илдет расмий аныкталгандар айыккандардан дээрлик эки эсе арбын катталууда.