Ооруканаларда бош орундар азаюуда, сактаналы!

07-апрель, 20:16

760 ᠌ ᠌ ᠌ ᠌᠌ ᠌ ᠌᠌

Бишкекте COVID-19 жуктурган бейтаптарды кабыл алган үч ооруканада 45 бош орун бар. Бул тууралуу саламаттык сактоо жана социалдык өнүктүрүү министрлиги кабарлады.

Бош орундардын саны күн сайын кыскарууда. Алсак, 6-апрелге карата 65 орун бош болсо, андан мурунку күнү үч ооруканада 77 орун бар эле. Ал эми 7-апрель саат 8:00гө карата 45 гана бош орун калган. Алар:

Улуттук хирургия борборунда — 6;

Республикалык жугуштуу илдеттер ооруканасында — 27;

№2 клиникалык төрөт үйүндө — 12.

Өткөн суткада Кыргызстанда 161 киши коронавирус жуктуруп, үч бейтап каза тапкан.