Кандай аял күйөөсүнө ийгилик алып келет?
Аял үй-бүлөнүн психологиялык энергиясын чагылдырат. Аял өзүн кандай алып жүрсө, анын психологиялык энергиясы кандай болсо, так ошондой маанай үйүндө өкүм сүрөт.
Эгерде аялдын психологиялык энергиясы “баардыгы жакшы болот” деп ишенсе, демек, мындай аял күйөөсүнө ийгилик алып келет. Жадагалса баары жаман болуп турса да, ал күйөөсүнөн күмөн санабаса. Бирок мындай көрүнүш чанда гана кездешет. Негизи аялзаты жинденгенге, санаа тартканга, күмөн санаганга жакын. Ошентсе да баары алардын колунда. Баары психологиялык күчүнүн көптүгүнөн көз каранды. Башкача айтканда, эгерде аял сарсанаа болуп жатса, коргоо дубаларын, мантраларды окуп, ырым-жырымдарды колдонуу керек. Буларды “бир нерсе болот” деп санааркаганда, күнүгө жасоосу абзел. Аялдын аң-сезими эркектикине караганда алты эсе сезгич келет, ошондуктан аял киши алдыда боло турган кыйынчылыктарды алдын ала туя билет. Бирок ал күйөөсүнө “бир нерсе болгону жатат” деп болжолдуу кыйынчылыктарды айтпашы керек. Ал баары бир сөз төркүнүн түшүнбөйт. Санаа чегип отура бербестен, аял киши ошол замат коргоочу иш-чараларды жасашы керек.
"Азия Ньюс" гезити
