Алма кандагы холестеринди азайтат, рактан коргойт
Алманы биз жыл бою үзбөй колдонгонго аракет кылабыз. Анткени анын ден соолукка тийгизген таасири өтө эле көп. Рактан коргойт. Алманын кабыгында антиоксиданттын чоң өлчөмү бар. Бул болсо С витамини менен биригип, организмге терс таасирин тийгизүүчү радикалдарга тоскоол болот. Ошондой эле жоон ичегидеги рак коркунучун пайда кылуучу зыяндуу заттарды организмден айдап чыгат.
***
Алма кандагы холестеринди азайтат. Изилдөөлөргө караганда, күнүнө эки алма жесең, холестериндин деңгээлин 16%га түшүрүүгө барабар.
***
Тамак сиңирүүнү жөнгө салат. Ал – ашказандын бузулушуна каршы эң жакшы каражат болуп эсептелинет. Мунун себеби, алманын курамында тамак сиңирүүнү жөнгө салуучу алма кычкылы бар.
***
Алманын уругунда йоддун көп өлчөмү бар. Күнүнө 5-6 даана урукту жесеңиз, организмдин суткасына йодго болгон талабы толук бойдон канааттандырылат.
***
Жаш балдардын тиштери жакшы өсүшү үчүн тиш доктурлар аларга алма берүүнү сунушташат. Ал тиштин эмалын тазалайт.
***
Алманын ширеси жүрөк кан тамыр системаларын бекемдейт, акыл-эсти талап кылган жумушта иштеген адамдарга пайдалуу. Семирүүдөн жапа чеккен адамдар үчүн мындай аралашма натыйжалуу: 100 мл алманын ширеси, 50 мл коондун ширеси, 5 мл помидордун ширеси, 25 мл лимондун ширеси.
***
Алманын кабыгынан заара кубалоочу каражат жасоого болот. Ал үчүн кабыкты кургатып, 1 кичине кашык майдаланган кургак кабыкты 1 стакан кайнак сууга демдөө керек. 5-10 мүнөт тыныккан соң кумшекер кошуп ичесиз.
"Азия Ньюс" гезити
