Физикалык эмес психологиялык зомбулук көргөн аялдар көп
Психологиялык зомбулук бул – адамдын психикасына басым көрсөтүү болуп эсептелет. Залим жолдоштун ашкере көзөмөлдөөсү, сиздин ой жүгүртүүңүздү толугу менен тосуп, өзүнүкүн орноткону, ал сиздин кайсы китепти окуп, кандай кино көрөсүз жана башка ушул сыяктуу майда-барат нерселердин баардыгын көзөмөлгө алат.
Психологиялык зомбулуктун коркунучтуулугу – сырттан караганда эч нерсеси билинбей жана эч нерсе болбогондой болуп көрүнөт. Эгер кимдир бирөөгө даттансаңыз, ал “баардык эле түгөйлөр урушат, кайра жарашат” деп көңүл деле бурбайт. Себеби, психологиялык зомбулук көрсөткөн залим адам сыртынан башкалар үчүн өтө эле идеалдуу көрүнөт. Тескерисинче, жакындарыңызга сизди жаман көрсөтүп коюшу ыктымал. Мындан улам жабыр тарткан айымдар эки анжы болуп, катуу ойго батышат. Өзүнө башка, жакындарына башка мамиле жасаган залим адамды толук түшүнө албай, психикалык жабыркоого учурайт. Өзүнө болгон ишеним жоголот. Жыйынтыгында толугу менен залим жолдоштун көзөмөлүнө өтүп, анын психологиялык зордук-зомбулугун көрүп, руху талкаланат.
Aryba.kg
