Мамат Айбалаев, экс-губернатор: “Достук айылы, “Головной” суу бөлүштүргөн жайдын бөлүгү берилгени өтө ойлондурат”
-- Мамат агай, “кыргыз-тажик чек арасы чечилди” дегенден бери кубангандар дагы, капа болгондор да бар. Сиздин пикириңиз кандай?
-- Туура эле чечилди көрүнөт. Депутаттар колдоду го, “сунуштарыбыз эске алыныптыр” деп. Эл да колдоп, эки мамлекеттин орток пикирге келгенин түшүнөт деп ойлойм. Мен дагы “туура эле чечилди” деген ойдомун. Чек араны тактоодо жер бересиң, кайра алардыкын аласың. Антпесең, орток пикир таппайсың, чек араны чече албайсың да.
-- Төрт көчөнүн нейтралдуу болгону туура чечилдиби?
-- Төрт көчөнүн нейтралдуу болушу туура эле. Анткени, Мадумаров протоколго кол коюп, тажиктерге берип койгон да. Болгону, Достук айылы, "Головной” суу бөлүштүргөн жайдын бөлүгү берилгени өтө ойлондурат.
-- Ким утту, ким утулду?
-- Ачыгын айтсам, ким утуп, ким утулганын убакыт көрсөтөт.
"Азия Ньюс" гезити
