Жигитим апамды жактырып калып, мамилебиз сууп баратат...
Менин жашым 18де. Апам болсо 37 жашта. Атам ким экенин билбей чоңойдум. Апам аябай сулуу жана өзүнө караган аял. Жакшы жумушу да бар. Мени эч нерседен кем кылбай чоңойтту. Эми минтип мен бойго жеткенде экөөбүздүн ортобузда чоң жарака кетти.
Өзүмдүн оюмдагыдай, баардык жагынан төп келишкен, жакшы кызматы бар жигитим бар. Ал менден жети жаш улуу болгондуктан үйлөнүү сунушун киргизип, акырындап тойго даярдыктар башталган. Апам жигитим менен таанышмак болуп, үйгө чакырганбыз.
Баары ошол күнү башталды. Экөө таашышкан соң пикирлери келишип, жакшы сүйлөшүштү. Бирок жигитимдин апамдын баскан-турганын караганы жага берген жок. Тамаша-чын аралаштырып, апамды жактырып калганын айтып алды. Күн аралата мага эмес апама гүл көтөрүп келчү болду. Экөө сезимдерге берилип чер жазыша сүйлөшүп, мен унутта калам. Байкамаксанга салып, бирок баарын байкап жүрөм. Экөөнү тең жек көрүп, сууп баратам. Акыры кандай болор экен?..
Алия
