Ташкындаган булактай талантына суктанам...
(Элзар Өскөнбаевага!)
Ушул ырчы кыздын таланты мага эле эмес, көптөргө жакса керек. Кубулжуган жагымдуу үнүн алыс жолго чыгып калганда жаңыртып койсоң, жүрөктү эзет да. Аткаруусундагы ырлардын мазмуну, обону дагы келишкен. Негизинен элдик ырларды салттуу эстраданын коштоосунда созгондо, чын эле жан эргитет. Өң-түспөлү да кашкайып, жагымдуу көрүнөт эй! Талантына жараша мүнөзү да жакшы болсо керек. Эмне дейин? Эл ичинен чыккан ташкындаган булактай кереметине суктанып, анын күйөрманы болуу да жыргал эмеспи. Негизи мен концертке деле барбайм, бирок ушул Элзар Өскөнбаева жеке чыгармачылыгын чагылдырса, эки бутту созо отуруп алып көрөт элем. Улам кол чаап, жер тээп дегендей... А баса, эки жылдай өтүп калды окшойт. Бир тойдон Элзар айымдын ырдаганын жанынан көрүп, ошондон бери арбалып, жаркылдаган жүзүнө, жеңил баскан жүрүшүнө, бийик музасына сыйым артып калган... Негизи кыргыздар алдыга суурулган таланттарды убагында байкабайбыз, баалабайбыз, башынан мыктыларга көралбастыгыбыз бар. Мамлекет тарабынан да камкордуктар анчейин көрүлбөйт эмеспи, туурабы? Андыктан, элибиздин сүймөнчүгүн эске ала жүрсөк (!) деген ниет менен эле калем кармап, жандүйнөмдөгү жаралуу сезимди жая салдым...
Калыгул
"Азия Ньюс" гезити
