Калипага “Аяш” тасмасындагы семиз аял көлөкө түшүрүп салгандай...
(Калипа Усеновага!)
Көп актрисалардан Калипа айымга көзүм түшүп, жогорку деңгээлде сыйлап келем. Албетте, ички дүйнөм менен. Сырткы сулуулугу, таланты, сүйлөгөн сөзү – баары ордунда. Аялзатына тийешелүү аруу, сүйкүмдүү сапаттарга ээ. Калипа аткарган ролдорун өтө жеткиликтүү чагылдырат. А турмушта кандай болду экен? Өзүнчө керемет сезиле берет. Асмандагы жымыңдаган жылдыздай, көп сырды катып жашаса керек. Мындай аялзаты бойдок эмес да, андыктан бакыт, албан келечек каалайм. Эгерде биз эрте жолукканыбызда, баары жомоктогудай тизилет эле... Эч нерсе эмес. Жакшы көргөн актрисамды сыртынан колдоп, чыгармачылык бийик жетишкендиктерди тилейм. Ойлогон максаттары орундалсын. Кээде өзүмчө толгонуп, Калипа Усенованын таланты толук кандуу ачыла элек экенин болжойм. Кыйын режиссёрго туш келсе, дагы да атагы таш жарып, ааламга чейин тараса керек. Чет элдик тасмаларга тартылышы да мүмкүн. Ал жактагылар билбей аткандыр... Айтмакчы, “Аяш” тасмасындагы семиз аял менен тартылганы кичине өөн учурап, Калипага көлөкө түшүрүп койгондой... Ушунчалык кыйын актрисаны кайсы бир учурда кор кылып аткандайбыз...
Улукбек, мугалим
"Азия Ньюс" гезити
