Күйөөм машинадан үч-төрт саат сабап, кайра кечирим сурады. Не кылам?

10-сентябрь, 19:30

891 ᠌ ᠌ ᠌ ᠌᠌ ᠌ ᠌᠌

Эмнеден башташты да билбей, түйшөлүп отурам. Күйөөм өзүмдөн 12 жаш улуу. Негизи жакшы көрөт, айтканымды алып берет, эч нерседен кем эмесмин, бирок өтө кызганчаак. Кечээ тойдо мага бир жаш бала шире куюп берип койгон. Ошон үчүн өтө чоң чатак салды. Машинага камап алып, үч-төрт саат сабады. Үйдөн да кайыш кур менен урду. Мурда чаап жибергендерин кечирип жашай берчүмүн. Жашы өткөн сайын кызганчаактыгы күчөп баратат. Коркуу менен кантип жашоо улантам? Азыр эмне кыларымды билбей, жаным кейип отурам. Кайра кечирим сурап жалдырап атат. Бирок эртең сөзсүз кайталанат. Кандай кадамга барсам?..