Таштап кеткен атасына кызым азгырылып, убайымга сала баштады
Жолдошум менен кош бойлуу кезимде ажырашканбыз. Бизди таштап, башка өлкөгө кетип калган. Кызым төрөлүп, күбөлүктү өзүмдүн атымдан алгам. “Атасы” деген жер бош. Бизде нике күбөлүгү да жок эле. Жолдошум ошол күндөн ушул убакка чейин такыр жардам берген эмес, дайыны жок болгон. Эми жакында бизди издеп тааптыр, жардам берүү оюнда жок, жөн эле ал-жай сураганы эле байланышыптыр. Россияда иштейт экен. “Үй-бүлөм, балдарым бар” дейт. “Биз менен байланышпа” десем, “кызым менен сүйлөшөм” дейт, бирок жардам бере албайт. Алиментке берсем болобу? Ушул убакка чейинкисин да төлөтүп ала аламбы? Мектепти бүтүп, окууга тапшырса, өзүнө эле керектелет эле. Өзүм ушул убакка чейин иштеп, боюма карабай жүрүп, ден соолугум начарлап, оор ишке жараксыз болуп калдым. Кызым бойго жетип келатат. Убагында таштап кеткен атасына азгырылып, мени убайымга сала баштады. Жалгыз каламбы?
