Кайненем күйөөмө “экинчи аял алып бер” деп кыстап жатат...

07-апрель, 14:39

1 030 ᠌ ᠌ ᠌ ᠌᠌ ᠌ ᠌᠌

Москвада жолдошум экөөбүз иштеп жүрөбүз. Кызым Кыргызстанда кайненемдин колунда. Жакында барып келдим. Оорулуу болуп төрөй албай калдым. Кайненем “баламдын артында туяк калышы керек, ажырашкыла дебейин, экинчи аял алып бер” дейт. Өзүмдүн апам “ажыраш, ден соолугуңду кара, кызыңды бак, эртең үй-жай салганыңда башкага үйлөнүп алат, сен кыйналып тапкан акчаны башка аялга берип койосунбу? Дагы төрөсөң, көзүң көрбөй калат, отурасың анан эч кимге керегиң жок болуп” дейт. Күйөөм болсо “бир катынды эптей албай жатам, экинчисин ыраазы кылыш кыйын го” деп күлүп койду. Эмне кылсам? Ажырашсам кызымды кантип карайм, өзүмө окшотуп атасыз өстүрөмбү? Ажырашпасам аял алып берип, экөөлөп сала турган үйгө киргиземби? Башым катып калды...

Нурзада А. 

Aryba.kg