Жактырып калдым, бирок окту таамай атканыңан корком...
(Мергенчи Каныкей Кубанычбековага!)
Былтыркы олимпиада оюндарында кыргыздын намыстуу, жылдыздуу кызы катары көрүндүң. Байгелүү орунга илинбей калсаң да, дүйнө сынагына катышып, тажрыйба топтогонуң кубандырды. Эми кийинки чоң таймаштарга чейин такшалып, ачылсаң, элибизди даңазалай турган өнөрүңө ишенем. Сырткы сулуулугуңа ички дүйнөң төп келишет окшойт. Жактырып калдым, бирок окту таамай атканыңан корком... Кудай буюрса, таанышып, маектешүүгө кызыкдармын. Быйыл отузга чыгам. Үйлөнө элекмин. Бир жогорку окуу жайында сабак берем. Чыгармачылыкты, билим алууну, изденүүнү жана мергенчиликти жакшы көрөм. Кыялданам: экөөбүз тоого аң уулаганга чыгып, энчибизди атып, анан тамак жасап жесек ээ? Байыркы көчмөндөр сыңарындай. Жылуу маектешип. Үшүп баратсак кызыл винодон алып койсок. Элестетип атам, мындай бакытка баары эле жете бербейт. Болгондо да сендей таланттуу, жаркыраган, жагымдуу кыз менен...
Таалай, илимдин кандидаты
"Азия Ньюс" гезити
