Байлык – колдун кири, төшөгүбүз жылуу болсо эле ыраазымын...
(Рахат Жунушбаевага!)
Мага жаккан Рахат Жунушбаеванын жакында эле туулган күнү болду. Муну мен соцтармактан билдим. Бул айымдын лифт жана эскалатор чыгарган заводу бар экени, аны мурунку корей улутундагы жолдошу түптөгөнүн жана аны тартып алганы тууралуу маалымат көбүрөөк көрүндү. Ыгын билсе жулуп кетет да... Анысы ал, Рахат айымдын мурункусун чукугум келбейт. Анткени, башыман бир топ сыноолор өттү. Бир кызым менен казак улутундагы келинчегим мени таштап кетти. Энеңди... Улут жаман эмес, жаман адамдар көп тура. Жашоону жаңы нуктан баштаганы турам. Эгер Рахат айым мага турмушка чыккысы келсе, анын эң бир ыйык жакын адамы болгум келет. Жумушта, үйдө, кайда болбосун. Биз сонун жашамакпыз. Жакынкы күндөрү байланыш телефонуңду табам, кел, экөөбүз жаңы жашоону кумарлана баштайлы. Анүчүн баарына кайылмын, ишен! Экөөбүз тең ажырашкандан кийин тажрыйба алдык да, бактылуу үй-бүлө курууга ашыгып, күрөшөлү. Байлык – колдун кири, эң башкысы, төшөгүбүз жылуу болсо эле ыраазымын...
Жаркынбек, Бишкек
"Азия Ньюс" гезити
