Акыркы кабарлар
» Жанирмем » Бейкүнөө бөбөктөр өлүмгө учурап, бешик талкаланып, мектептер, үйлөр өрттөлдү
Бейкүнөө бөбөктөр өлүмгө учурап, бешик талкаланып, мектептер, үйлөр өрттөлдү
11-май, 00:26
617 ᠌ ᠌ ᠌ ᠌᠌ ᠌ ᠌᠌Мадина...
Жакшынам ий!.. Көздөрүңдөн шам чырак!
Жаралуумун жүрөктөн кан тамчылап,
...түнүм санаа, сени эстеп ыйладым...
Жарыктыктан жанып-өчкөн чырагым!
Бар дүнүйөң балага тең келеби?
Бала өлбөсүн, зар какшатып энени!
Каралдым ий... коргоосузум, кечиргин,
Миң эненин санаасында эзилдиң.
Кызым! Кызым... Кичинекей Айгүлүм...
Курмандыгы каргашалуу бул күндүн!
Энелердин эси-жайы миң санаа...
Бир бала эмес, жүрөктөрдө миң бала.
Бейпил күндүн баркын билбей семирип,
бийлик талаш... Биз ошого эсирип...
Көңүлдөн тыш чек аранын көйгөйү,
Көчөтүм ий... калдык минтип кечигип...
Кыз болмоксуң... тирүү болсоң келишкен!
Кимдин кызы, кимдин күнү дегизген,
Аргасыздан Жаратканга тапшырдык,
Аруу кызым, бала-кыргыз периштем!
Махабат Алимбекова
"Азия Ньюс" гезити