Прогноз погоды в городе Бишкек
Акыркы кабарлар
» » Улуттук банк: долларды накталай алууда банктар 5%га чейин комиссия алып жатат

Улуттук банк: долларды накталай алууда банктар 5%га чейин комиссия алып жатат

08-август, 15:40
314 ᠌ ᠌ ᠌ ᠌᠌ ᠌ ᠌᠌

Кыргызстанда коммерциялык банктар долларды накталай алууда кардарларга 0,4 пайыздан 5 пайызга чейин комиссия алып жатат. Бул тууралуу Улуттук банктын төрагаcынын орун басары Нурбек Жеңиш Бишкектеги маалымат жыйынында билдирди. Анын айтымында, соңку геосаясый абалдан улам коммерциялык банктардын сырттан доллар сатып алуусунун чыгымы көбөйдү.

"Буга чейин биздеги банктар долларды Россиядан алып келген. Бирок Россияга салынган санкциялар жана бул өлкөгө келип түшкөн доллар, евронун токтотулганын эске алганда, жергиликтүү банктар нак доллар жана еврону ташып келүүгө аргасыз болууда" деди Нурбек Жеңиш.

Ал чет элдик валюта үчүн комиссиянын өлчөмүн өз чыгымына жараша коммерциялык банктар аныктай турганын жана өлкөдөгү банктар чет өлкөлүк валютага комиссия боюнча өз кардарларына түшүндүрүү иштерин күчөтүшү зарыл экенин белгиледи.

Мындан сырткары, Улуттук банктын өкүлү банкка чет өлкөлүк валюта менен депозит салган жарандар өз акчасын алган учурда эч кандай комиссия алынбасын эскертти.

Кыргызстанда соңку учурда банктардагы кошумча төлөмдөр жарандардын наарызылыгын жаратууда. Өлкөдөгү айрым адистер акыркы кырдаалдан улам банктар пайдага туйтунууну көздөп жатканын айтып чыгышкан.
Бөлүшүү:
Тектеш материалдар:
Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
Бүркүттүн алдында калган коёндой эле бырпырадым…
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
Өлгөн адамдар түшкө кирсе эмне болот?
Aryba.kg - Маалымат порталы
Сайтка баа бер