Кубан Чороев: “Доллардын наркы ылдый түшсө, анда күйүүчү майдын баасы арзандашы керек”
-- Нефть кайсы валюта менен болот? Доллардын түшкөнү, рублдин көтөрүлгөнү күйүүчү майдын арзандап-кымбатташынга кандай таасири бар?
-- Мурда доллар кымбаттап, рублдин куну кескин төмөндөсө, учурда доллардын куну түшүп, рублдин курсу жогорулап, валюталык рынокто абал туруксуз. Эл эртеңинен эмнени күтөрүн билбей кыйналып турат.
Негизи дүйнөлүк баа доллар менен бекитилет. Ошон үчүн доллардын баасы ылдыйраак болсо, анда күйүүчү майдын баасы арзандашы керек. Эгер рубль менен баасын эсептей турган болсок, анда тескерисинче, баа көтөрүлөт. Келишимдер кайсы валютада түзүлгөн болсо, ошол маанилүү. Күнүмдүк керектелүүчү азыктар деле Россиядан келип жатат. Рублдин кымбаттосунун буларга деле таасири тийиши мүмкүн. Бир жагынан Кыргызстандан чыгарылган продукцияларга жакшыраак таасири тийет. Бизден кеткен товарларды жогору баада сата алышат.
Жамиля Нурманбетова
"Азия Ньюс" гезити
