Алишер Козуев: “Доллардын курсу туруктуу болбой, Улуттук банк күмөн жаратууда”
-- Алишер мырза, “бизде доллардын курсу туруктуу болбой жатканында кимдир бирөөлөрдүн кызыкчылыгы болушу мүмкүн” дегендей пикир айттыңыз?
-- Туура, доллардын курсунун туруктуу болбой жатканына дүйнөдөгү кырдаал да себеп болууда, аны түшүнөбүз. Бирок, элде бир күмөн ой жаралууда. “Эмне үчүн Улуттук банк доллардын курсу көтөрүлгөндө ири суммада сатат дагы, арзандаганда кайра сатып алып жатат? Ортодо кимдир бирөөлөрдүн кызыкчылыгы жокпу?” деген күмөн ой болуп атат. Шайлоочулардан бул боюнча аябай көп каттар, кайрылуулар келип түшүүдө. Биз бүгүн тийешелүү кишилерди чакырдык, келишсе кенен маалымат алабыз го.
-- ЖМКларга “Улуттук банк ушундан акча жасайт” деген маалымат жарыяланып кетти. Ошондой болушу мүмкүнбү?
-- Кандайдыр бир кызыкчылык болгондой туюлууда. Эл деле, биз дагы күмөн санап жатабыз. Муну укук коргоо органдары кылдат текшериши керек.
-- Жыл башынан бери канча интервенция жасалыптыр?
-- 284 млн. доллар. Ушунча сумма элге сатылып, 19 млн. доллар сатып алынган.
"Азия Ньюс" гезити
