Канышай Мамыркулова китеп жазып, келечекке дүрбү салса...
Өткөн жумада журналист Канышай Мамыркулова абактан пробация менен үй камагына чыгарылды. Үч ай эркиндигинен ажырап отурду. Жазмыш. Бул аралыкта аны колдогондор арбын болду. Соцтармакта, эл арасында эркиндикке чыгышын айткандар басымдуулук кылышып, ар убак суранычтар, талаптар айтылып атты. Мындан биз Канышай Мамыркулованын кадыр-баркы көтөрүлгөнүн, аны жактагандар арбын экенин байкадык. Ошол эле кезде каралаган “фейк фабриканын” таасири түккө арзыбай, аларга эч ким деле көңүл бурган жок. Албетте, Канышай айым убактылуу азап чеккени менен адамдык сапатын, күрөшчүлдүгүн көрсөтө алды. Кандайдыр бир деңгээлде тарых жаратты. Эми пробациянын шарты боюнча макала, же пост жаза албайт. Кыскасы, пикирин билдире албасы ырас. Мындай убакта китеп жазып, өткөн-кеткенге саресеп салып, келечекке план түзүп, пайдалуу иштердин өтөөсүнө чыкса болот. Бул күндөр да өтмөкчү...
"Азия Ньюс" гезити
