Атамбаев, Исаков, Кулматов жана Ибраимов кырдаалды кызытканы калыштыбы?
Кыкеңдердин саясатында күбүр-шыбырлар чындыкка айланып, отко май тамызгы болуп кетчү эле. Анын сыңарындай, камактагы Алмазбек Атамбаев, Сапар Исаков, Кубанычбек Кулматов, Албек Ибраимов эркиндикке чыгуудан түңүлүшүп, жаңы жылдан тарта эл менен иштөө үчүн акчаларын аябай турганы каңкууланууда. Буга чейин алар боштондукка чыгышарын үмүт кылып келишкени, нааразычылык акцияларына каражат кетирбегени белгилүү эле. Эми болсо узак жылдарга кесилүү, тирүүнүн өлүгү катары төрт дубалдын ортосунда жата берүүнүн маңызын ойлошконбу, айтор, жазга карай даярдыктарын катуу көрүшөрү айтылууда. Алар электоратын ойготуу менен кырдаалды кызытууга салым кошушабы? Бул жагы тар чөйрөдө бүйүр кызыткан кепке айланууда. Эгерде катылган каражаттар элге чачылса... “Араң турган көз эле, чыгып кетти өзү эле” болбойбу?..
Aryba.kg
