Түрмөдө чардап, чүйгүн тамак жеген кылмышкерлердин видеосу чыкты (видео)
"Астана" телеканалы түрмөдө жакшы шартта отуруп, кандай чүйгүн тамактарды жегенге боло тургандыгы боюнча сюжет көрсөткөн.
Казакстандын интернет тармагына Костанай аймагындагы түрмөдө отургандардын телевизорду коюп алып, бешбармак жеп, виски ичип жаткан учуру коомчулукка тарап кеткен.
Видеодо 161/2 абагы – коопсуздукка өзгөчө көңүл бурулган жай экени айтылат. Кадрлардан бул жерде абдан ыңгайлуу, жылуу-жумшак шарт түзүлгөндүгүн көрүүгө болот. Бөлмөдөгү төрт киши бешбармак менен тамактанып, виски ичип жаткан деп жазды "Астана" телеканалы.
"Кандай "үлкөндөргө" мындай дасторкон жасалгандыгын айтыш кыйын. Роликтин автору колонияда адам оюна келбеген нерселер жасаларын айткан. Администрация кээ бир тартип бузууларга көз жумуп, жеңилдиктерге барарын баяндаган. Чын эле ошондой болгонун эми иликтөө көрсөтөт", — деп жазылган маалыматта.
Чындыгында Костанай облусундагы Жаза аткаруу департаментинин маалымат кызматы мындай факты абакта болгондугун билдирди.
Ал эми бул иш боюнча кылмыш иши козголгондугу кабарланды.
Эскерте кетсек, Кыргызстандын да айрым “крим төбөлдөрү” жаткан түрмөлөрдө ушундай көрүнүш бар экени өткөн жылы эле коомчулукка тараган эле.
