Жалбырактар төгүлгөн, каркыралар кыйкуулаган күзгү бакытты сезиңиз...
Баардык нерсени күз айында баштоо керемет. Ой жүгүрт, сайма сай, блогуңду түз, эмне болсо да жаңы нерселерди үйрөнүңүз. Бакыт жөнүндө ойлон. Бакытты жарат. Өзүңүздүн ички жана сырткы жымжырттыкты угуңуз. Китептер сөзсүз керек. Ички дүйнөңүздү толтуруңуз.
Жалгыз болсоңуз түгөйүңүздү издеңиз. Жалбырак төгүлгөн күздө жүрөгүңүз сүйүүгө, кыялдарга, чыгармачылыкка толуп, ташып, төгүлүп турсун. Жакшы нерселерди жаратыңыз. Аба ырайы да керемет. Өтө ысык эмес, суук эмес. Сейилдей басып, жаратылышка суктанып, табигаттын сулуулугунан өзүңүзгө энергия топтоңуз.
Бала кездеги кыялдарды эстеп, эски альбомдорду алып чыгып, ретро тасмаларды көрүп, жакын адамдарыңыздын көкүрөгүнөн кандайдыр бир өзгөчө нерсени таап, ага экинчи өмүр бериңиз.
Эртели-кеч сиздин асманыңыздан кыйкуулап учуп өткөн, тизилген каркыраларга суктана кароо, тегиз түшө баштаган жалбырактарга суктануу сиз үчун ыроолонгон. Бул бакытты сезиңиз. Тирүү экениңизге, ушундай мезгилде таң тосуп, күн кечирип жатканыңызга рахаттаныңыз!
"Азия Ньюс" гезити
