Акыркы кабарлар
» Күч берен » Балбан Улукбектин ташы өйдө кулап, үйлүү болуп, келинчек алды
Балбан Улукбектин ташы өйдө кулап, үйлүү болуп, келинчек алды
05-январь, 16:26
Эркин күрөш боюнча Азия чемпиону Улукбек Жолдошбеков үйлөндү. Кимге дебейсиздерби, болгондо да жакында эле дүйнө чемпионатын багынткан балбан кызыбыз Мээрим Жуманазарованын эжеси Мунара Жуманазаровага. Үйлөнүү тою эки күн мурун борбор калаадагы тойканалардын биринде өттү. Кыз-жигит болуп сүйлөшүп жүргөндөрүнө эки жылга чамалаган. Кыргызда “катын алсаң отун ал” деген кеп бар эмеспи. Эми Улукбек Японияда өтө турган жайкы олимпиада оюндарына жолдомо берчү мелдештерге кызуу даярдана баштайт. “Үй-бүлөлүк очок өзүнүн шары менен кете берет, камсаноо жок” деп кошумчалады балбан. Баса, жакында эле Улукбекке генерал Мелис Турганбаев ордо калаабыздан үй белек кылган эле. Учурда балбан Улукбектин ташы өйдө кулап турган чагы.
Сурат ЖЫЛКЫЧИЕВ
