“Күрөш боюнча дүйнөнүн эки жолку чемпиону” деген наамды жалгыз Айсулуу багынтты

12-октябрь, 13:40

6 321 ᠌ ᠌ ᠌ ᠌᠌ ᠌ ᠌᠌

Айсулуу, кыргыз спортунун тарыхында жаңы баракты ачтың. Деги эле, мейли чоңдор, мейли жаштар арасында болсун, күрөш боюнча “дүйнөнүн эки жолку чемпиону” деген наамды биринчи болуп багынтып отурасың. Мындай эрдик, эрктүүлүк ар бир эле спортчунун колунан келе бербейт. Экономикасы асман чапчыган, ири державалардын сап башында жүргөн, анын ичинде Америка өлкөсүнүн балбан кызы Кайл Мираклды финалдык беттешүүдө килемде тизелетип, Норвегиянын Осло шаарында өткөн дүйнө чемпионатында жеңишке жетип, “Дүйнөнүн эки жолку чемпиону” деген ардактуу наамды багынттың! Азаматсың Айсулуу! Кыргыз эли сени менен сыймыктанат. Көз тийбесин, сен багынтчу белестер, чокулар, бийик максаттар ишке аша берсин! 

Сурат Жылкычиев 

"Азия Ньюс" гезити