Акыркы кабарлар
» Күч берен » Кыргыз балбандарынан алтоо Япония олимпиадасына жолдомо алды
Кыргыз балбандарынан алтоо Япония олимпиадасына жолдомо алды
15-апрель, 13:40
Казакстандын Алматы шаарында 9-апрелден 11-апрелге чейин күрөш боюнча Азия алкагында квалификациялык мелдеш болуп өттү. Быйыл Япония жергесинде жайкы олимпиада оюндары өтөт эмеспи. Ошого иргеп алуучу бирден-бир мелдеш эле. Кыргызстандын күрөш боюнча улуттук курамдын балбандарынан алтоонун жолдомо алганын чоң жетишкендик катары айтса болот. Алсак, грек-римден Жоломан Шаршенбеков (60 кг.), Акжол Махмудов (77 кг.), Узур Жузупбеков. Кыз-келиндерден Мээрим Жуманазарова (68 кг.), Айпери Медет кызы (76 кг.). Эркин күрөштөн Эрназар Акматалиев (65 кг.).
Эске сала кетсек, 2019-жылы ошол эле Казакстандын борбору Нур-Султан шаарында Айсулуу Тыныбекова менен Атабек Азизбеков жолдомо алышкан.
Сурат Жылкычиев
"Азия Ньюс" гезити
