Руслан Бектембаев: “Жумагазиев министр болуп, Султанов менен Токтоналиевдин кызматтары алмашат”
Маркум Молдомуса Конгантиевди кумир туткан Руслан Бектембаев аттуу “кызыл шапкечен” бар. Жылдызы Бакиев режиминде жанып, кийин Атамбаевдин доорунда шаардык милициянын оперзамына чейин жетип, Аламүдүн РИИБни да жетектеген. 2017-жылы Садыр Жапаров мекенине кайтып келгенде, коомдук-коопсуздук абалды темирдей тартипте кармап турганы эсибизде. Арашандык бул кадрдын кызматтык карьерасы жакшы эле өсүп баратып, бирок Соке бийликке келгенде четке сүрүлүп калган. Ошондон бери кордук көрүп, Бишкек ШИИБде аналитик катары эмгектенип келгенин өзү да жашырбайт. Аз күн мурун бул каарманыбыз: “Канат Жумагазиев министр болуп, досу Улан Султанов Бишкек ШИИБге, Азамат Токтоналиев анын ордуна барып, кызматтары алмашат. ИИМдин орун басарлары да өзгөрөт. Кадрдык реформа жүрүшү керек. Биздин адамдар келсе, анан иштегенди көрсөтөбүз...” деп тар чөйрөдө катуу күпүлдөдү. “Композ” каймана атындагы Руслан Бектембаев өзгөрүүлөр ИИМдин 100 жылдыгынан кийин ишке ашарын да кошумчалады. Көзачыктык кылганы канчалык деңгээлде реалдуулукка айкашарына абай салсак. МЕНТтерден да “ванга” чыгабы?
"Азия Ньюс" гезити
