Акыйкатчы Мамытов өз милдетин аткара албай, нааразычылык жаратууда
“Пенсионер” Токон Мамытовдун акыйкатчылык ишмердигине нааразы болгондор коомчулукта арбып баратат. Бул институт милдетин так аткара албай атканы, жарандардын укугун коргоодо активдүүлүгүн көрсөтө албаганы менен сынга кабылууда.
Аз күн мурун саясатчы Равшан Жээнбеков Бишкек ШИИБнин убактылуу кармоочу жайындагы кыйноолорду, суук болуп атканын баш коргоо чарасына келген учурда маалымдады. О.э. түрмөлөрдөгү жан кейиткен ар кандай көрүнүштөр да ЖМКларга байма-бай жазылууда. Учурда милиция, сот, дээрлик укук коргоо органдарына ишеним азайган чакта, дал ушул Токон Мамытов жигердүү ишмердиги менен көзгө көрүнүш керек эле. “Аты улук, супарасы курук” дегендей, омбудсмен ишин жетиштүү деңгээлде өтөй албаса, мындай мекеменин эмне кереги бар? Жок дегенде алган акчаларын актап, эл үчүн кызмат кылышса не? Негизи бул кызматка 60тан ашкан Токон Мамытов эмес, жаш, энергиялуу юрист-саясатчы келгенинде мамлекетибиз утмак беле? Айтор, эски кадрлар кайсы тармак болбосун артка тарта беришип, аягы жарга такалып бүтмөй болдук...
Aryba.kg
