Алымкадыр Бейшеналиев министр катары иштей албай, элди эки анжы ойго салууда
Коронавирустун алдын алуу боюнча эмдөөдөн өтүүдөн көпчүлүк катмар коркуп атышканы жашыруун эмес. “Кытайдын дарысын сайынбайбыз” деген пикир да күчүндө. Мындай шартта саламаттык сактоо министри Алымкадыр Бейшеналиев элге туура багыт бере албаганы, түшүндүрүүгө дарамети жетпегени, о.э. өзү эмдөөдөн өтүүдө ачык-айкындуулукка басым жасабай, бир уколду сайдырып атканын видеого шашылыш тарттырып койгону да шек жараткан. Анысы витаминби, же эмне дары экенин билдиңерби? Айтор, коомчулук эки анжы ойдо калганы ырас. Мындай шартта апаат улам күчөп, вируска кабылгандар күндөн-күнгө көбөйүп баратат. Ооруп калгандар, өз алдынча дарылангандар канча? Алымкадыр Бейшеналиевдин мындай жүрүшү менен былтыркы катаал күндөр кайталанып, экинчи ирет элибизди кырып албайбызбы? Айтор, бул чала сабат министрдин иштей албай атканы ачык байкалууда. Тез арада ордуна ишбилги, профессионал кадр келбесе, бул көрүнүштө кыйналып каларыбыз айдан ачык.
"Азия Ньюс" гезити
