Акыркы кабарлар
21:02
» Саясат » Кыргызстан 5 миллиард 457 миллион сом карызынан кутулду
Кыргызстан 5 миллиард 457 миллион сом карызынан кутулду
16-март, 18:17
Үстүбүздөгү жылдын январь-февраль айларында Кыргызстан 5 миллиард 457 миллион сом карызынан кутулду. Бул туурасында экономика жана финансы министрлиги билдирди.
Төлөнгөн каражаттын 3 миллиард 49 миллион сому тышкы карызды жана 2 миллиард 408 миллион сому ички карызды жабууга жумшалган. Ошондой эле министрлик 31-январга карата мамлекеттик карыздын суммасы 4 миллиард 954 миллион долларга жеткенин маалымдады. Анын ичинен 85,2 пайызы же 4 миллиард 221 миллион доллары тышкы карыз. Ал эми 14,8 пайызы же 732 миллион доллары ички карыз.
Мындан сырткары, өлкө бюджетине январь-февраль айларында мамлекеттик баалуу кагаздарды чыгаруудан 4 миллиард 520 миллион сом түшкөнү белгиленди.
