Келечекте Жусупбек Коргонбай уулунун атагы таш жарчудай...
Кыйын адамдар кызматы, мандаты жок болсо да эл оозуна алынып, талкуу жарата берет тура. Жусупбек Коргонбай уулу “урдум байдын кызын” дегендей ишарат менен парламенттен кете берген. Азыр бизнес жаатында алектенүүдө. Бирок айрым ээн ооздор артынан чагымчылык кылышып, жалган ушактарды таратышып, логикага сыйбаган тескери пиарга өтүштү. “Калптын өмүрү кыска” дейт. Жусупбек мырза өзүнө карата айтылган сөздөргө татыктуу жооп узатып, чекит койду. Саясаттан биротоло кетпеген баатыр мүнөз уулубуз келечекте эл башына келсе, тагдыр жазып койсо, андан ким качып кутулмак эле? Эң башкысы, адамгерчиликтүү, өткүр, мамилеге туруктуу каарманыбызга ийгилик каалайбыз! Адатынан жазбай, кыз-келиндерди ашык кылып жүрө турсун... Чоң саясатка таптай турган да убак алыс эмес. Атагы таш жарчудай...
"Азия Ньюс" гезити
