Чыныгы күлүк маарага аз калганда чуркайт. Канатбек Исаевде кандай сыр бар?
Президенттик шайлоого талапкерлер каттала башталганда эле Канатбек Исаевге түрдүү каралоолор орун алган. Саясатчынын кылган иши, сүйлөгөн сөзү сындалышы керек да. Тилекке каршы, фейктер менен троллдордун армиясы соцтармактардан ар кандай ушак-айыңдарды удургутушуп, күчтүү атаандашты мокотууга далбасташты.
Бирок, кааралоо кампаниясы тескери жыйынтыгын берүүдө. Эркин социологиялык сурамжылоолордун көпчүлүгүндө Садыр Жапаров биринчи орунга чыкса, Канатбек Исаев экинчи, Адахан Мадумаров үчүнчү катарда келатат. Бул эмнени билдирет? Шайлоонун 2-туру болору, 10-январдагы тандоодо элдин активдүүлүгү начарлап калары күтүлүүдө. (Жаңы жылдан кийинки маанай, кыштын суугу ж.б. негиздер бар.) Калыс иликтөө боюнча Садыр Жапаров 38%, Канатбек Исаев 25%, Адахан Мадумаров 12% көрсөткүчүнө ээ болору айтылууда. Ошондо 2-турда баардык талапкерлер Канатбек Исаев менен биригүүгө келишери айкын. Бул жагынан алдыртан эле сүйлөшүүлөр жүрүп, божомолдор иш жүзүнө ашканы калдыбы?..
Кызыгы, учурда анчалык активдүүлүгү байкалбаган Канатбек Исаев чыныгы күлүктүн мисалындай маарага чукул калганда чуркай турганы, соңунда гана дараметин көрсөтүп, маңдайга жазган ырыскысын илип кетери бааланууда. Анын күрөшүү ыкмасы кыска аралыкта ийгиликке жетүү. Жакында кызыктуу ачылыштар, курч пикирлер жанданары жашыруун деле эмес. Жеңишти багындыруу үчүн сыр да ачылмакчы...
Aryba.kg
