Баткен стратегиялык облус. ОИИБ начальниги Улан Жукенов татыксыз!
Соңку кездери түшүнүксүз чечимдер кабыл алынууда. Маселен, Баткен ОИИБ начальнигине Улан Жукенов дайындалды. “Фишкасы” чүйлүк. Ротация шылтоосу. Ал эми өзү өмүр бою тергөөчү катары иштеген кадр, ээлеген ордуна тажрыйбасы да жетишсиз. Бир облусту башкарууга оперативдүү кызматтарды өткөн, дээрлик тепкичтерди баскан, РИИБ начальниги болгон кадр ылайыктуу болмок. Тилекке каршы, Улан Жукенов дайындалган кызматына татыксыз катары бааланууда. Өзү деле көп нерсени түшүнбөй, айрым жетекчилерге чалып, кеңеш сурап атканы кандай? Коошпой калды. Баткен стратегиялык облус, Өзбекстан, Тажикстан менен чектешет. Алардын милиция башчылары, облусту тейлегендери оперлик кызматтарды басып өткөндөр. Генералдар. А биздики шүмүрөйгөн тергөөчү. Теңсиздик да. ИИМдин орун басары Нурбек Такабаевич кандайча байкабай калды? Анализ жүргүзүп, кадр саясатынан ката кетирбеш керек эле. Ай Такабаевич, бул эми сабак болсун, бирок мамлекет үчүн зыян! “Жаман айтпай жакшы жок” дегендей, эртең кокус жаңжал чыгып кетсе, сиз дайындап алып барган Улан Жукенов качып кетпейби? “Душман сүйдүрүп, дос күйдүрүп айтат” демекчи, алаңгазар мүнөздөн өйдө турсак.
"Азия Ньюс" гезити
