Акыркы кабарлар
» Коом » Ноокатта 4 жашар бала терезеден кулап түштү
Ноокатта 4 жашар бала терезеден кулап түштү
14-июнь, 11:46
Ош облусунун Ноокат районундагы бала бакчанын терезесинен түшүп кеткен бала боюнча милиция текшерүү иштерин баштады. Бул туурасында облустук ички иштер башкармалыгынан кабарлашты.
Окуя 13-июнь күнү саат 12:30 чамасында "Саламат" балдар бакчасында болгон. Анда бакчанын терезесинен бала түшүп кеткен.
"Аталган маалымат электрондук журналга катталып, текшерүү иштери башталган. Алдын ала текшерүү учурунда 13-июнь күнү саат 11:10 чамасында 25 жаштагы Б.Т.4 жашар баласын биринчи жолу балдар бакчасына алып келип, директорго тапшырып кеткендиги такталды. Бала болжол менен саат 11:40 чамасында балдар бакчасынын экинчи кабатынын терезесине чыгып, көчө тарапка асылып калгандыгы, аны 67 жаштагы тургун кармап калганы аныкталды.
Баланын ата-энеси соттук-медициналык экспертизадан өтүүдөн баш тартып, балдар бакчасынын кызматкерлерине арыз-доосу жок экендигин билдиришти" дешти маалымат кызматынан.
