Медет Садыркуловду өлтүрүүгө шектелген Айбек Абдыразаков кайтып келеби?
Легендарлуу аппаратчик Медет Садыркулов 2009-жылы 13-мартта кыйноого алынып, ырайымсыздык менен өлтүрүлгөн. Жаныш Бакиев башында турган орган кызматкерлери менен криминалдык күчтөрдүн биргелешкен операциясы аркылуу жок кылуу иш-чарасы жүргөнүн кийин билгенбиз. 2010-жылы Бакиевдер үйүр тобу менен качып кетишкенде, аларга да илээшип бир тобу “куйрук түйүшкөн”. Медет Садыркуловду өлтүрүүгө аралашкан фигурант катары Айбек Абдыразаков да айыпталып, камакка алынарда табылбай калганы эсибизде. Эми жаңы бийликтин орношу менен бул эргул да Кыргызстанга кайтып келүүнүн жолун издеп атканын уктук. Качып жүрбөй актыгы үчүн күрөшсө болбойт беле? А балким он жыл мурда камалганда жазасын деле өтөп чыкмакпы? “Кан коё бербейт” дейт. Айбек Абдыразаков келсе эл эмне дейт? Күтө туралы.
"Азия Ньюс" гезити
