Акыркы кабарлар
» Саясат » Дастан Бекешов: “Казино боюнча мыйзам долбоорго ашыкча нормалар кирип калды”
Дастан Бекешов: “Казино боюнча мыйзам долбоорго ашыкча нормалар кирип калды”
28-июнь, 11:58
Казинодон акчадан башка пайда жок. Үй-бүлө бузулат, кылмыштуулук күчөйт, терс жактары көп. Мындай пикирин Дастан Бекешов “Sputnik Кыргызстан” радиосуна маек куруп жатып билдирди. Анын айтымында, мыйзамга казинону жарнамалоону киргизүү ашыкча, анткени чет элдиктер кыргызча жарнаманы көрбөйт.
"Чет өлкөлүк жарандар үчүн казино ачылышы керек. Бул тажрыйбаны башка өлкөлөр колдонууда. Бирок мыйзам долбоорго ашыкча нормалар кирип калган. Ошол эле казинону жарнамалоого уруксат берүү. Чет элдиктер кыргызча жарнаманы көрбөйт. Демек, бул кыргыз жарандарынын казиного кирүүсүнө жол ачышы ыктымал. Мындан тышкары, онлайн-казино боюнча кирип калды. Аны министрлер кабинети, укук коргоо органдары көзөмөлдөшү үчүн каражаты, мүмкүнчүлүгү жок. Казинонун бир эле пайдасы бар, ал – акча. Үй-бүлө бузулат, социалдык терс таасири бар, кылмыштуулук күчөйт" деди Бекешов.
