Кафе-ресторандар, базарлар качан иштеп баштары белгилүү болду

29-апрель, 15:42

1 004 ᠌ ᠌ ᠌ ᠌᠌ ᠌ ᠌᠌

Кыргызстанда кафе-ресторандар баардык режимдер алынгандан кийин гана иштей баштайт. Бул туурасында вице-премьер Эркин Асрандиев брифинг учурунда билдирди. Анын айтымында, тамактануу жайларында инфекцияга байланыштуу аябай көп тобокелчиликтер бар.

“Бүгүнкү күндө кафе, ресторандарга тамак жасап буюртманын негизинде гана жеткирүүсүнө уруксат берилген. Бардык режим бүткөндөн кийин гана иштей алышат”, - деди Асрандиев.

Ал эми чоң базарлар 21-майдан кийин гана ачыла турганын билдирди. Базарларга башка аймактардан да адамдар келгендиктен, эртерээк ачуу кооптуу деген чечим кабыл алынган.