Эмилбек Узакбаев эки фронтко ойногондо
Камчыбек Ташевдин чайын ичип, сыйын көрүп жүргөн Эмилбек Узакбаевди билесиңер да. Убагында мамлекеттик кызматтан байып, коррупцияга шектелгенине карабай кыртыш байлап алганычы? Соңку жылдары өз тарабындагы ардагер аксакалдарды уюштуруп, түлкүдөй мант берип, убактылуу жашоосун майрамга айландырып алган. Эң кызыгы, Камчыбек Ташиевди колдомуш этип, сүрөөнгө алгандай түр көрсөтүп, бирок ошол эле кезде карама-каршы жээктеги саясатчылар менен да ымдашып, тымызын эки фронтко ойногонун жашырып жүргөндөй. Кыйын бекен?.. Ушул жерден үлгүлүү мисалды келтирели, айталы, экс-министр Бекболот Талгарбеков жыйырма жылдан ашык убакыттан бери Камчыбек Ташиевди туруктуу колдоп, ошол эле кезде анын душмандары менен мамиле кылбайт экен. Табиятынан адамгерчиликтүү, түз мамилени көрсөтүп келатат. Ал эми Эмилбек Узакбаев ойт берип, эки жүздүүлүктү айгинелей береби? Бир тарабын тандасын да. “Эки тоонун чөбүн эңсеген эчки ачка өлүптүр” дегендей, соңунда ишпалдасы чыгып калбайбы?..
"Азия Ньюс" гезити
