Бир күндө Садыр Жапаров менен Сооронбай Жээнбековго жолуккан “Карышкыр”
Саясый серепчи Сабыр Мукамбетов кечээ президенттин милдетин аткаруучу Садыр Жапаровго журналисттердин тобу менен кирип, ал жерден аксакал катары сөз сүйлөптүр. Андан соң экс-президент Сооронбай Жээнбеков менен жолугушуп, өлкөдөгү оор учурлар боюнча масилеттешет. Бул боюнча биздин өздүк булактарыбыз билдирди. Сабыр Мукамбетовго (“Карышкыр”) кайрылсак, комментарий берген жок. Биздин божомолубузда, Жээнбеков президенттик кызматтан кетүү арызын жазбаса, эч ким аны коколой алмак эмес, бирок саясый тиреш курчумак. Ар кандай күчтөр ойгонушуп, чагымчылык менен массалык башаламандык курчуп кетиши мүмкүн эле. Адамдардын кан төгүлүүсүнө президенттик кресло арзыбай турганын Сооронбай Жээнбеков алдын ала ынанып, туруктуулук эртерээк камсыздалышы үчүн отсавкага кеткенин түшүнүп турабыз.
Aryba.kg
