Алдыга озгон беш партия парламентке өтөбү? Алар кайсылар?
Эл ичиндеги сурамжылоолор, интернет айдыңындагы баа берүүлөр болжолдуу түрдө саясый картинаны жаратууда. Натыйжада, беш партиянын арымы башкалардан айырмаланып, алдыга озгондорубу? “Биримдик”, “Мекеним Кыргызстан”, “Бүтүн Кыргызстан”, “Кыргызстан” жана “Республика” болсо, калгандарында шанс аз экенин танабызбы? Булар 7 пайыздык босого чектен өтө алышары байкалды го? Албетте, береги саясый күчтөрдү ырааттуу түрдө дараметтерине жараша катарга тиздик. Азырынча канча мандаттан алышары белгисиз, шайлоого чейин дагы он күндөн ашык убакыт бар. Үгүт жүргүзүү, элдин ишенимине кирүү өңүтүнөн кандай упай топтошорун алдыда көрө жатмакчыбыз. Саясат сымап сыяктуу туруксуз, балким, күтүүсүз өзгөрүүлөр, опурталдуу көрүнүштөр да болуп кетиши мүмкүнбү?
Aryba.kg
