Руслан Казакбаев: “Анжелика “Республика” партиясын колдой турганын билдирди”
“Саламатсыздарбы кыргыз элим!
"Республика" партиясы өзүнүн тарапташтары болуп эсептелинген ыктыярчыларга пандемия учурунда кыргыз элине жардам көрсөткөндүгү үчүн ыраазычылык грамоталарын тапшырды.
Ыктыярчылардын сап башында жүргөн Абдурахман Муртазалиев менен Тынчтык Алтымышев "Республика" партиясынын тизмеси менен Жогорку Кеңештин депутаттыгына аттанышууда.
Экс-вице-премьер-министр Алтынай Өмүрбекова "Республика" партиясы "Ыктыярчылардын статусу" жөнүндө мыйзам долбоорун демилгелей турганын билдирди. Мындан тышкары Алтынай Өмүрбекова 2021-жылды "Ыктыярчылар жылы" деп жарыялоону сунуштай турганын кошумчалады.
Пандемия күчөп турган маалда, эл үчүн жан үрөп кызмат кылгандардын бири белгилүү ырчы, бизнесвумен Анжелика Кайратова "Республика" партиясы менен элдин ортосунда ыктыярчы болуп, "Алдыга жол" программасын тандап, "Республика" партиясын колдой тургандыгын билдирди...” деп Руслан Казакбаев Фейсбуктагы баракчасына жазды.
