Текебаевди “кайырмакка илүү” акыры кооптуу экенин түшүнүшпөйбү?..
Өткөн жумада “Ата Мекен” партиясынын лидери Өмүрбек Текебаев менен Дүйшөнкул Чотоновдун баш коргоо чарасы каралып, эки айга үй камагына узартуу чечими чыкты. Учурдагы соттор өз алдынча чечим чыгара албасы, жогор жактын түшүнүгүнө жараша иш кылып калышканы жалганбы? Негизи Текебаевди үй камагына кармоо, аны актабай ишин создуктуруу саясат экени баарына маалым. Бул жерде адам укугу тепселенип атканын айтпасак да түшүнүктүү. “Ата Мекендин” лидери үй камагында болгондон кийин региондордогу тарапташтарына жолуга албасы, шайлоого карай даярдыгы солгундай турганы ырас. Кызыгы, Маевскийдин жалган жалаасы менен Текебаевге козголгон иш чагылгандай тездикте каралып, Жогорку Сотко чейин чечимдери шакылдап чыкпады беле? Эми акталуу жолуна келгенде соттук процесстин эшек арабадай кылдыраганы кандай? Мунун өзү “кайырмакка илип коюу” амалы болууда. Бирок, өмүр бою адилетсиздик үчүн күрөшүп келген Өмүрбек Чиркешович мындай “былжырбайлыкка” чыдайт болду бекен? Кооптуу жолдун коңгуроосу кагыла баштады...
Aryba.kg
