Максат Абдыгулов ИИМдин орун басарларына чейин “таш ыргытууда”
Издөөдө жүргөн Айбек Абдразаковдун өнөктөшү Максат Абдыгулов ИИМдин 10-башкармалыгында орун басары болуп отурат. Жөн иштебей өздүк курамды бөлүп-жарууга аракет жасап, бирок анысынан майнап чыкпаганын эшиттик. Интрига менен машыгып, буга чейин иштешкен ОИИБ начальниктерин жамандап, кыжынып турганы да кызык экен. ИИМдин айрым орун басарларына да сөз тийгизип, улам “таш ыргытканы” бизге чейин угулууда. Өз милдетин татыктуу аткарбай, илең-салаң жүргөнү аз келгенсип, кимдир бирөөлөргө сынтакканы кандай? Жогорку жетекчилик Максат Абдыгуловдун моралдык жагына баа берип, кичине какыс-кукус кылып койбойбу? А болбосо ашынып бараткандай... Пенсияга деле жакындап калды, кичине оңолуп, сыйы менен кетпейби? Эрксизден баягы “бүкүрдү көр түзөйт...” деген икаяны эстейсиң да.
"Азия Ньюс" гезити
