Максат Казакбаев, жарандык активист: “Кемпирабадчы” 11 туткун кечирим сурашпайт”
-- Кемпир-Абад боюнча абакта отурган активисттердин соту улам эле жылдырылып калып жатат. Бул көрүнүш бир нече ирет кайталанды. Качан олуттуу карашаар экен?
-- 22-ноябрь 2023-жылы сот отуруму болмок, бирок дагы жылдырылды. Сот чечим чыгарбайт. Себеби, белгилүү эле... Эч айып жок, далил жок иш, бул аракет саясый гана буйрук (!) деп элдин баары беш колундай эле билип калышты. Кемпир-Абад иши менен камалган саясый туткундарга туура бир жыл бир ай толду. Албетте, баш-аягы 30дан ашык саясый камоолор болгондордун теңи чыгып, үй камагында. Бул иш дагы далайга узарчудай, бул иш сот эмес саясый гана чечим болот. Балким, бийлик мунапыс сурар бекен (?) деп да күткөнү бар го, бирок азыркы 11 туткун кечирим сурашпайт! Эл-журт жакшы билет, “кемпирабадчылар” ак!
"Азия Ньюс" гезити
