Кундуз Жолдубаевага кыйкырган ОБОНдорго коомчулук нааразы

11-июнь, 06:41

1 465 ᠌ ᠌ ᠌ ᠌᠌ ᠌ ᠌᠌

8-июнь күнү Кой-Таш окуясы боюнча сот уланып, антимитинг менен коштолду. ОБОНдорду алкынтып, бүлүк салууну күч органдары уюштуруп атышканы уят эмеспи? Башкасын айтпасак да, Кундуз Жолдубаева сотко кирип баратканда, ага карата “Камалсын! Коррупционер!” деген сыяктуу лозунгдар суу кечпей калды. Кундуз айым журналистика тармагында иштеп келсе, мамлекеттик чиновник болбосо, анан ОБОНдордун беттырмарлыкка барышканы абсурд! Жаңыл Мырзадай каарманыбыз “токулган” кылмыш иштери менен жабыркап жатса, ал аз келгенсип, Биринчи Май райондук сотунун алдынан ызы-чуу кылышып, моралдык-психологиялык басым жасоого жандалбасташканы акылга сыйбаган көрүнүш. Коомчулук баарын таразалайт. Аягында күч органдары ОБОНдорго таянганы – бийлик үчүн аброй жаратмак беле?.. 

"Азия Ньюс" гезити