Талгарбеков, Жекшенкулов, Суваналиев сындуу акылы зиректер элге кызмат кылса
Келечекте президент Садыр Жапаров бийлик короосундагы айрым топтордун “буктурмасында” калып калуу коркунучу жокпу? Бул боюнча саясый элитанын тар чөйрөсүндө ар кандай божомолдор бар. Түз жолдон адаштыруу оюндары жүрүп кетпейби? Ооба, бийлик-оппозициянын тиреши күчөп баратат, мындай шартта сырткы жана ички күчтөр да опурталдуулукту жаратууга кызыкдар болушу ыктымал. Эмне кылуу керек? Президент адилеттүү, калыс башкарууга багыт алган соң, кээ бир “бузукулардын” тилинен этияттап, командасын бир сыйра иргеп алуусу, дыкат көзөмөлдөөсү зарыл. Биздин баамыбызда, жогорку кызматтык жетекчиликтерде жаштар арбын, бирок алтымыш жаштын айланасындагы тажрыйбалуу, таза кадрлар да керек. Мисалы, Бекболот Талгарбеков, Аликбек Жекшенкулов, Өмүрбек Суваналиев өңдүү алы-күчтөн тая элек, акылы зирек инсандарды тартса эмнеге болбосун? Мамлекет, эл үчүн аянбай иштеп беришет эле...
"Азия Ньюс" гезити
