Элчи Улукбек Мариповду да “кустурууга” мезгил келди
Атасы Асамидин Марипов экс-депутат, көп жылдар бою Ноокат ооруканасын башкарып, Улукбек Марипов эсеп палатасына төрага, премьер-министр кызматтарын аркалап, учурда БАЭде элчи болуп отурат. Бир тууганы да аким, чиновник катары “мурдун тыгып” жүрдү. Атамбаевдин, Сокенин учурунда Улукбек Марипов эсеп палатасын тескеп, ээрден түшкөн эмес. Бул “майталкан” жер. Кийин Садыр Жапаровдун тушунда өкмөт башына келди. Өмүр бою мамлекеттик кызматтарда жүрүшсө, булардын үй-бүлөсү эбегейсиз байлыктарга, кымбат баалуу мүлктөргө ээ болгонун кандайча түшүнөбүз? Атайын орган иликтеп, “Мыйзамсыз баюу” беренеси менен тартипке келтиреби? А болбосо коомчулукта Мариповдордун үй-бүлөсүнө нааразы болгондор арбын чыгууда. Коррупцияга аралашып байышса, башкалардай эле “кусуп” беришсин да, туурабы?
"Азия Ньюс" гезити
