Кыркка чыга элегинде кыраатын келтирсе, элүүгө таяганда эл башкарабы?..
Эл өкүлүнүн айткан сунушу, көтөргөн маселеси орундуу болсо, өкмөт дагы туура кабыл алып, көйгөйлөр убагында чечилет тура. Айталы, “Ата-Журт Кыргызстан” фракциясынан депутат Алишер Козуев кичи мекени Кара-Суу районундагы бир топ олуттуу жагдайларды көтөрүп, чекесинен иш жүзүнө ашырууда. Мектеп салдырып, жол курдуруп, Отуз-Адыр каналын кайрадан каздыруу, бетондоо боюнча долбоорду да даярдатып, ийгиликтин үстүндө иштеп атканын шайлоочулары кабарлашты. Мыйзам жазуудан сырткары түздөн-түз элдин алкышын алып атканы кубандырбай койбойт. Буга чейин Кара-Суу районуна Райымбек Матраимов көптөгөн жакшылыктарды, ири демөөрчүлүк иштерди жасап келсе, Алишер Козуев да агасынын жолун улап, элдин батасын алып атыптыр. Жигиттин гүлү мындай темп менен кетсе, даңкы далайга чейин угулчудай. Кыркка чыга элек кезинде кыраатын келтирген ишмерге айланып атат, элүүгө таяганда эл башына келеби?..
"Азия Ньюс" гезити
