Сариев менен Мадумаровдун биригүүсү саясый кырдаалды өзгөртөбү?
Башынан эле Адахан Мадумаров менен Темир Сариев сый мамиледе жүрүшкөнү маалым. Азырынча лидерлер биригүүгө расмий билдирүү кылыша элек. Бирок, бийлик тараптагылар экөөнүн саясый күч түзүүсүнөн алдыртан чочулашып, каралоо кампаниясын баштап жиберишкени жашыруун эмес. Учурда оппозиция талаасы чачкын, ынтымаксыз болгону үчүн таасири жокко эсе. Эгерде Сариев менен Мадумаров кол алышса, башка күчтөр да кошула турганы айныгыс чындык. Азыр баары эле бири-бирин аңдып отурушат. Кайсы жакка тараза ташы оосо, интеллектуалдык күчтөр, олигархтар да ошол жакка ыкташат. Табиятынан элдин маанайы деле бийликке сын көз менен карайт эмеспи. Эгерде эки лидер радикалдуу оппозициялык күч түзүүнү реалдуу жашоодо көрсөтүшсө, анда парламенттик шайлоодо көч башына чыгышат. Балким, быйыл күздө саясый кырдаалды кескин түрдө өзгөртүп жиберишери да мүмкүн...
Aryba.kg
