Элди алдаган Текебаевди УКМК төрагасы Ташиев жөн койбосо керек
Транспорт жана коммуникациялар министри Тилек Текебаев Ноокат районунун жолун сентябрга чейин бүтүрбөсө кызматынан кетмек. УКМК төрагасы Камчыбек Ташиев чоң жыйын астында эскерткен. Анан эмне болду? Учурда жаңы бүткөн жол тешиле баштаганы ачык көрүнүп, жергиликтүү тургундар видеого тартышып, соцтармакка жайылтып атышат. Текебаев текирең таскагына салып, эптеп эле асфальт жалатып, чалды-куйды сыңарындай ишин бүтүргөнбү? Бул боюнча атайын органдар иликтеп, жолдун тешилгенин бетке кармоо менен жазалоо чечимине келишеби? Күтө туралы. Элди алдаган чиновниктерди Камчыбек Ташиев жөн калтырбаса керек. Ноокат жолу видеодо көрүнгөндөй сапатсыз, эң начар бүткөрүлсө, анда сөзсүз түрдө коррупциялык элементтер ойногон да, туурабы? Натыйжада, бул боюнча УКМК адилеттүү чечимге келсе керек.
"Азия Ньюс" гезити
